Yəmən hökuməti və husilər BMT-nin vasitəçiliyi ilə əsirlərin mübadiləsi ilə bağlı danışıqlara başlayıb

Yəmən hökuməti və husi üsyançıları İsveçrədə əsirlərin mübadiləsinə dair danışıqlara başlayıb.

ictimaixeber.com xəbər verir ki, bu barədə "Associated Press" agentliyi məlumat yayıb.

BMT-nin Yəmən üzrə xüsusi nümayəndəsi Hans Qrundberq və Beynəlxalq Qırmızı Xaç Komitəsi münaqişə tərəfləri arasında vasitəçi kimi çıxış edirlər. H.Qrundberq mümkün qədər çox əsirin azad edilməsinə çağırıb.
Bu danışıqlar 2018-ci ildə bağlanmış sazişin müzakirəsini davam etdirir. Həmin zaman münaqişə tərəfləri heç bir şərt olmadan bütün əsirləri azad etməyə razılaşmışdılar. Bundan sonra Yəmən hökuməti və husilər bir neçə əsir mübadiləsi həyata keçiriblər.