Daxili İşlər Nazirliyinin (DİN) Baş Narkotiklərlə Mübarizə İdarəsi əməkdaşlarının paytaxtın Yasamal rayonu ərazisində keçirdikləri əməliyyat tədbiri nəticəsində külli miqdarda narkotik vasitə qanunsuz dövriyyədən çıxarılıb.DİN-in mətbuat xidmətindən AZƏRTAC-a bildiriblər ki, əldə edilmiş məlumat əsasında keçirilmiş əməliyyat tədbiri nəticəsində saxlanılan Kürdəmir rayon sakini, narkotiklərlə əlaqəli cinayətə görə əvvəllər də məhkum olunmuş N.Süleymanovdan 50 qramdan çox heroin aşkarlanıb.
Davam etdirilən əməliyyat-axtarış tədbirləri ilə onun kirayədə yaşadığı mənzildən isə əlavə olaraq 850 qram heroin və bir elektron tərəzi aşkarlanaraq götürülüb.
Faktla bağlı cinayət işi başlanılıb.
Saytda axtar
XƏBƏR LENTİ
