Fuad Muxtarovun Tuk zavod ərazisində yaşayan seçicilərlə izdihamlı görüşü- FOTOLAR

42 saylı Sumqayıt ikinci seçki dairəsindən millət vəkilliyinə namizəd Fuad Muxtarov Sumqayıt şəhəri Tuk zavod ərazində yaşayan seçicilər ilə görüş keçirib.

Görüş zamanı seçicilər bəzi problemləri dilə gətiriblər və ümumi məsələlər ətrafında səmimi söhbət ediblər.
Deputatlığa namizəd Fuad Muxtarov deputat seçiləcəyi təqdirdə sakinlərin dilə gətirdikləri problemləri aidiyyatı qurumlar qarşısında qaldıracağına söz verib və seçicilərin sualları cavablandırılıb. F.Muxtarov iş prinsipi və platforması ilə bağlı seçicilərə məlumat verib. Seçiciləri dinləyən namizədin vəkilləri onların qaldırdıqları problemləri, narahat edən məsələləri, rəy və təkliflərin hamısını qeyd ediblər. Fuad Muxtarov seçicilər qarşısında bildirdirdi ki, “Öz timsalımda müşahidə edirəm ki, insanlar gənclərin siyasətə gəlməyini dəstəkləyir, yeni parlamentin islahatlarını səbirsizliklə gözləyirlər. Mənə etimad göstərildiyi təqdirdə seçicilərimin inamını doğruldacağıma, Sumqayıt üçün faydalı olacaq islahatların durmadan artacağına söz verirəm! Cəmiyyətimizə sağlam-doğru seçki arzulayıram”.
Tədbirdə çıxış edən seçicilər fevralın 9-da seçki məntəqələrində ən layiqli, onlara yaxın olan namizədə Fuad İsa oğlu Muxtarova səs verəcəklərini bildiriblər.
Sonda qəsəbə sakinləri ilə xatirə şəkilləri çəkildi.

Yeganə Telmanqızı
“İctimaixeber.com”