Azərbaycan Respublikası Vəkillər Kollegiyasının üzvü, Respublikamızın tanınmış vəkili Əkbər Yusifoğlunun təqdimatında "Qanun və İcra" verlışıni 04 aprel tarixində həftənin şənbə günü saat 14:30-da canlı yayımda, verlişin təkrarı isə bazar günü saat 14:30-da "Dünya TV"-nin efirində nümayiş etdiriləcək.

Bu dəfə "Qanun və İcra" verlışındə dünyanı ağuşuna almış “COVİD-19” virusu ilə mübarizə tədbirləri ilə əlaqədar olaraq, 17 mart 2020-ci il tarixli qanunla Azərbaycan Respublikasının İnzibati Xətalar Məcəlləsinə yeni redaksiyada əlavə edilmiş 211-ci “Epidemiya əleyhinə rejimin, sanitariya-gigiyena və karantin rejimlərinin pozulması”, 388-ci “Kütləvi informasiya azadlığından və jurnalist hüququndan sui-istifadə etmə”, 388-1-ci “İnternet informasiya ehtiyatında və ya informasiya-telekommunikasiya şəbəkəsində yayılması qadağan edilən informasiyanın yerləşdirilməsi, habelə belə informasiyanın yerləşdirilməsinin qarşısının alınmaması” habelə Azərbaycan Respublikasının Cinayət Məcəlləsinə əlavə edilmiş 139-1-ci “Epidemiya əleyhinə rejimin, sanitariya-gigiyena və ya karantin rejimlərinin pozulması” maddələrinin təhlili aparılacaq, habelə bu mövzuda tamaşaçılarımızın sualları cavablandırılacaqdır.

Tamaşaçılarımızı hüquqi məsələlərdə maarifləndirmək və onların verlişə ünvanladıqları sualları cavablandırmaq üçün verlişimizə qonaqlar dəvət etmişik:

1. Əjdər Cavadov – Vəkillər Kollegiyasının üzvü, vəkil.

2. Gülşən Rüstəmova – Ailə psixoloqu.

3. Şahin Məmmədov – Tanınmış hüquqşünas – ekspert.

Yeganə Telmanqızı
“İctimaixeber.com”