Abşeronda qoyun otaran 41 yaşlı kişi su kanalında boğulub.


İctimaixeber.com xəbər verir ki, bədbəxt hadisə Abşeronun Ceyranbatan qəsəbəsində baş verib.

Ərazidə heyvan otaran Fariz Təhməzov ehtiyatsızlıqdan Samur-Abşeron su kanalına yıxılıb və boğulub.

Fariz Təhməzovun meyiti kanal vasitəsilə Ceyranbatan su anbarına keçib.

Hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub və meyit sudan çıxarılaraq aidiyyəti üzrə təhvil verilib.

Mərhum Fariz Təhməzov Laçın rayonunun Minkənd kəndindən məcburi köçkündür. Onun atası isə 1992-ci ildə Qarabağda gedən döyüşlərdə şəhid olub.
Allah rəhmət eləsin!