Prezident İlham Əliyev və birinci xanım Mehriban Əliyeva Müdafiə Nazirliyinin Mərkəzi Hərbi Klinik Hospitalında müalicə olunan yaralı hərbçilərlə görüşüblər.

İctimaixeber.com xəbər verir ki, sentyabrın 30-da Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev və birinci vitse-prezident Mehriban Əliyeva Ermənistanın sentyabrın 27-dən başlayan hərbi təxribatı zamanı yaralanan və Müdafiə Nazirliyinin Mərkəzi Hərbi Klinik Hospitalında müalicə olunan hərbçilərlə görüşüblər.
Görüş zamanı ölkə prezidenti İlham Əliyev yaralı hərbiçilərin hansı ərazilərdə döyüşdüklərini soruşub, onlara şəfa diləyib. Görüşdən yayılan videoda birinci-vitse prezident Mehriban Əliyevanın yaralı hərbiçilərimizlə görüşdüyü zaman kövrəldiyi də müşahidə edilib.
Sonda xatirə şəkli çəkdirilib.