Hacıqabulda ölümlə nəticələnən ağır yol qəzası baş verib.

İctimaixeber.com xəbər verir ki, Mil-Muğan bürosunun məlumatına görə, hadisə Bakı-Qazax magistralının Hacıqabul rayonu Padar kəndi ərazisindən keçən hissəsində qeydə alınıb.

90-AA-047 qeydiyyat nişanlı "Toyota" markalı avtomobilin aşması nəticəsində Bakı şəhər sakini, 2007-ci il təvəllüdlü Hüseynov Ayxan Tahir oğlu hadisə yerində dünyasını dəyişib, onun atası 1983-cü il təvəllüdlü Hüseynov Tahir Səbuhi oğlu və daha 3 nəfər də xəsarət alıb. Yaralılar Kürdəmir xəstəxanasına yerləşdirilib.

Avtomobildə olanların hamısı bir ailənin üzvləridir.

Faktla bağlı araşdırma aparılır.